راجعه بعد ما ندمتي

رجــعالـى بعد ماندمتـى
مانـتى اللى زمان قدرتى
تبيعى قلب عمره فى حياته
ماحب قلب غير قلبك انتى

رجعالى بدمعه كدابه
زى دمـوع الديـابـه
رجعالى ضعيفه مسكينه
لبسالى توب الغلابه

رجعالى من تانى ليه
انا عمرى وكل مافيه
كان ملك قلبك انتى
دلوقتى خلاص انسيه

انا كنت طاير فى سماكى
كان املى ومنايا رضاكى
وبعد ماحلمت بقربك
دلــوقـتـى بحـلم انسـاكى

هحاول انسى عمرى معاكى
هحاول اقــتـل فيـا هـواكـى
انتى اللى بعتى انتى اللى خنتى
وحيرتـى قلبى سنين وراكى

مش ممكن ارجعلك تانى
انسى حبى وانسى حنانى
بعد جرحك وغدرك ليا
نسـيت الحـب ونسـانى


ابعدى بعيد عن عيونى
سيبينى لحزنى وشجونى
خلاص مش فارقه معايا
تِكونى سعيده او لاتِكونى