عايز تغلس على خلق الله ....؟؟؟؟ خش واتعلم اصول الغلاسة
4 مشترك
كاتب الموضوع
رسالة
tupacxXx V.I.P
عدد الرسائل : 95 العمر : 34 تاريخ التسجيل : 12/07/2008
موضوع: عايز تغلس على خلق الله ....؟؟؟؟ خش واتعلم اصول الغلاسة الخميس يوليو 17, 2008 7:11 pm
[center][center] ازاى تغلس على خلق الله - ادخل و اتعلم اصول الرخامة و الغلاسةبجد هتفطس من الضحك هههه ازاى تبقى رخم؟؟؟؟.....
يعنى اغلس عباد الله وبارد لدرجة التجمد؟؟؟ بص ياسيدى.....
قول نكته طويله و لما تيجى عند آخر سطر و هو السطر المهم اللى فيه الأفيه و أعمل نفسك نسيته ، ولو حد غلس قوله : و الله كانت نكته جامده بس الظاهر أنى نسيتها .
· هات بخاخه مطهر ديتول و أمشى ورا شخص ما فى اى حته ، و كل ما الشخص ده يمسك حاجه و يسيبها ... تروح راششها بالمطهر على طول . · و أنت بتتكلم فى موضوع أقطع كلامك و أدى انطباع أنك هاتكمل ... و ماتكملش ..."بس خلاص كده " .
· لما حد يشكى لك من حاجه قوله أنا عندى مشاكل أكتر منك .
· فى مطعم .. بص للشخص اللى قاعد على ترابيزه جنبك و أنت ماسك لقمه فى ايدك و قوله "ممكن الطحينه بتاعتك ثوانى" ؟ .
· كل ما حد يقولك حاجه عيدها بصيغه سؤال ، مثلا هايقولك "مش أنا اتجوزت" قوله "أتجوزت؟!" هايقولك "اه الشهر اللى فات" قوله " الشهر اللى فات؟!" ..... و هكذا .
· و أنت واقف بتتكلم مع حد برق عينيك فجأه و أسأله "سمعت؟!" هيسألك "سمعت ايه؟!" قوله ولا حاجه ... خلاص راحت .
· بعد عشر دقايق ، اعمل نفس الحركه تانى .
· و انت بتتكلم مع شخص ما ، ماتبصش فى وشه أبدا .
· و انت بتتكلم مع شخص ما ، افضل مركز فى وشه اوى .
· طول ما أنت قاعد مع زمايلك فى الشغل ، صفر موسيقى نشيد بلادى بلادى .
· علق فانوس كبير فى الشارع و حبال زينه ، بشرط ميكونش فى رمضان !!! .
· أتكلم مع الناس بصوت الروبوت .
· أستلف قلم من حد ، وحط القلم فى بقك ، و أعمل نفسك بتفكر و منهمك و أنت عمال تعضعض فى القلم !!! . · و أنت فى المول ، ماتمشيش عادى ، لأ .. افضل نط لحد ماتوصل للمكان اللى رايحه .
· فى المترو امضغ لبانه بصوت عالى و انت واقف جنب حد بيقرا مجله او جرنان ، و أنت بتقرا معاه طبعا .
· اعزم ناس فى حفلات ناس تانيه "عيد ميلاد او خطوبه او فرح ..." .
· سيب اشاره العربيه الشمال شغاله لمده 5 كيلو متر من غير ماتلف .. و بعدين اطفيها فجأه و كمل طوالى !!! .
· أول ماتشوف كيس كاتشب واقع عالأرض دوس عليه برجلك جامد و قول للى معاك "أنا كنت بشوفه فاضى و لا مليان" !!! .
· فى حفله عيد ميلادك أطلب من ال D.jأنو يشغل أغنيه بعينها 18 مره ورا بعض .. "أنا بحب الأغنيه دى اوى يا جماعة" !! .
· لو واقف جنب حد بيعد فلوس و فى وسط ما هوا بيعد قول اى رقم عشوائى "862" .
· العب فى الوان التليفزيون لحد ما الصوره تبقى بنفسجى ، وتبقى الناس كلها لونها بنفسجى ، و اعزم اصحابك عالماتش عندك فى البيت .. و لو حد اعترض ، قوله "أنا شايف ان ده لون الحياه الحقيقى" !!! .
· و أنت ماشى فى حته اى حاجه تقابلك طبل عليها .
· البس جراب زى الجراب اللى بيتحط فيه المسدس .. بس حط فيه الريموت كنترول .
· غير القناه قبل نهايه الفيلم او الماتش او المسلسل بخمس دقايق .· أضحك لواحده ماتعرفهاش فى الشارع وقولها بصوت عالى " ازيك .. عامله ايه؟!!! " . (منقوووووووول) على فكرة ما حدش بيبعت ردود ليه
لارا
عدد الرسائل : 30 العمر : 29 تاريخ التسجيل : 18/07/2008
موضوع: حلوين الجمعة يوليو 18, 2008 1:50 am
هههههههههههههههه حلوين هل الافكار هي من اختراعك ولا شو؟؟؟
همس النجوم
عدد الرسائل : 6 تاريخ التسجيل : 19/07/2008
موضوع: رد: عايز تغلس على خلق الله ....؟؟؟؟ خش واتعلم اصول الغلاسة السبت يوليو 19, 2008 6:02 am
هههههههههههههه افكار جامده يا باشا تسلم
tupacxXx V.I.P
عدد الرسائل : 95 العمر : 34 تاريخ التسجيل : 12/07/2008
موضوع: رد: عايز تغلس على خلق الله ....؟؟؟؟ خش واتعلم اصول الغلاسة الجمعة أغسطس 08, 2008 6:06 am
لا را انا كاتب فب اخر الموضوع منقول شكرا على المرور يا جماعه
B E $ O V.I.P
عدد الرسائل : 80 العمر : 34 تاريخ التسجيل : 11/07/2008
موضوع: رد: عايز تغلس على خلق الله ....؟؟؟؟ خش واتعلم اصول الغلاسة السبت أغسطس 09, 2008 7:23 am
هههههههههههههههههههههههههههههههههههه
إيه ده يبني
ده انا اتخنأت
مش منك من الكلام ده بتخيل لو واحد عمل الحاجات دي أدامي والله العظيم ما هرحمه
بس موضوع جاااااااااااامد والله زيك يا توباك يا عسل انت
واحشني والله
عايز تغلس على خلق الله ....؟؟؟؟ خش واتعلم اصول الغلاسة